նախընտրելի դարձնելՀաշվի առնելով տոնական օրերին պարենային մթերքի առեւտրի ծավալների աճն ու դրանով պայմանավորված ռիսկերը՝ ՀՀ ԳՆ սննդամթերքի անվտանգության պետական ծառայության պետի հրամանով նախատոնական ու հետտոնական օրերին իրականացվել են դիտարկումներ եւ մշտադիտարկումներ: Սննդամթերքի անվտանգության բնագավառը կարգավորող օրենսդրության պահանջների նկատմամբ հսկողություն իրականացնելու նպատակով մինչեւ հունվարի 16-ը դիտարկումներ են կատարվել հանրապետության մարզերի եւ Երեւան քաղաքի իրացման 347 կետերում (գյուղատնտեսական արտադրանքի շուկաներ, մսի իրացման կետեր, խանութներ):
Արդյունքում բացահայտվել է սննդամթերքի անվտանգության բնագավառը կարգավորող օրենսդրության պահանջների խախտման 72 դեպք, մասնավորապես՝ կենդանական ծագման հումքի՝ առանց անասնաբուժական ուղեկցող փաստաթղթերի տեղափոխման 14 դեպք, անասնաբուժասանիտարական փորձաքննության իրականացման խախտման 9 դեպք, սննդամթերքի պահման պայմանների խախտման 27 դեպք, պիտանիության ժամկետն անցած սննդամթերքի իրացման 8 դեպք, մակնշման պահանջների խախտմամբ սննդամթերքի իրացման 10 դեպք, առեւտրի իրականացման վայրում հիգիենային ներկայացվող պահանջների խախտման 4 դեպք:
Ծառայության հետեւողական աշխատանքի արդյունքում յուրաքանչյուր անհամապատասխանության մասով տրվել են պարտադիր կատարման հանձնարարականներ եւ հսկվել դրանց կատարման ընթացքը. խախտումները վերացվել են:
Տոնական օրերին Ծառայության պետի հրամանով սահմանվել է նաեւ Ծառայության թեժ գծի շուրջօրյա հերթապահություն: Նշված ժամանակահատվածում Ծառայության թեժ գծին ստացվել է 8 զանգ, ձեռնարկվել են համարժեք միջոցառումներ կամ տրվել համապատասխան պարզաբանումներ:
