նախընտրելի դարձնելԳյումրիի ավագանին որոշել է քաղաքի վարչական տարածքի ընդհանուր օգտագործման փողոցներում կազմակերպված ավտոկայանատեղիներից օգտվելը 2016թ.-ի հունվարի 1-ից դարձնել անվճար:
Գյումրիի քաղաքապետարանից NEWS.am-ին հայտնում են, որ որոշումը կայացվել է քաղաքապետ Սամվել Բալասանյանի առաջարկով, հաշվի առնելով գյումրեցիների սոցիալական վիճակն ու նկատի ունենալով վարորդների դիմում բողոքները:
Նման որոշման հիմք հանդիսացել է նաև այն փաստը, որ վճարովի ավտոկայանատեղիներից համայնքային բյուջե տարեկան մուտքագրվում էր չնչին գումար:
Նկատի ունենալով ավտոկայանատեղիներում աշխատող քաղաքացիների աշխատատեղի խնդիրը՝ Գյումրիի քաղաքապետարանը պատրաստակամ է նրանց ապահովել աշխատանքով: Ցանկություն հայտնողները կարող են դիմել Գյումրիի քաղաքապետարան:
