նախընտրելի դարձնելՀՀ բնապահպանության նախարար Արամայիս Գրիգորյանը սույն թվականի հունվարի 20-ին հրաման է ստորագրել 2016 թվականի ընթացքում Հայաստանի Հանրապետության ջրային տարածքներում որսի չափաքանակները սահմանելու մասին:
Հրամանում մասնավորապես ասվում է, որ համաձայն «Որսի եւ որսորդական տնտեսության վարման մասին» Հայաստանի Հանրապետության օրենքի՝
1. Հայաստանի Հանրապետության ջրային տարածքներում 2016 թվականի ընթացքում սահմանել որսի հետեւյալ չափաքանակները.
1) Կարաս` մինչեւ 100 տոննա,
2) Ծածան` մինչեւ 100 տոննա,
3) Խեցգետին` մինչեւ 3600 տոննա:
2. Հայաստանի Հանրապետության բնապահպանության նախարարության աշխատակազմի կենսառեսուրսների կառավարման գործակալության պետին` կենդանական պաշարների օգտագործման մասին պայմանագրերի կնքման գործընթացը կազմակերպելիս առաջնորդվել սույն հրամանի 1-ին կետում նշված չափաքանակներով:
3. Հայաստանի Հանրապետության բնապահպանության նախարարության աշխատակազմի բնապահպանական պետական տեսչության պետին`
1) սահմանված կարգով իրականացնել Հայաստանի Հանրապետության ջրային տարածքներում արդյունագործական ձկնորսության նկատմամբ վերահսկողություն` անհրաժեշտության դեպքում ներգրավելով ՀՀ բնապահպանության նախարարության աշխատակազմի կենսառեսուրսների կառավարման գործակալության աշխատակիցներին.
2) ուժեղացնել վերահսկողությունն իշխանի, կողակի եւ սիգի ապoրինի որսի եւ վաճառքի կանխարգելման ուղղությամբ` համագործակցելով Հայաստանի Հանրապետության իրավապահ մարմինների հետ:
