նախընտրելի դարձնել
Ղարաբաղա-ադրբեջանական շփման գծում լարվածության զգալի թուլացում է նկատվում։ NEWS.am -ը ներկայացնում է ապրիլի 10-11-ի իրադարձությունների ժամանակագրությունը։
- ԼՂՀ ՊԲ. Ապրիլի 9-ի լույս 10-ի գիշերը հյուսիսային ուղղությամբ Ադրբեջանի ԶՈւ-ն կիրառել է 82 մմ ականանետ (2 արկ) եւ 122 մմ Դ-30 հաուբից տիպի հրանոթ (2 արկ):
- Կոնգրեսական Ադամ Շիֆ. Մենք բոլորս միասին կողմ ենք խաղաղությանն ու արդարությանը: Մենք բոլորս ուժեղ Արցախ ենք։
- ՀՀ ՊՆ-ն հրապարակել է 4 զոհված հայ զինծառայողների լուսանկարները։
- Ֆրանսիայում բազմամարդ ակցիաներ են տեղի ունեցել՝ ի աջակցություն Լեռնային Ղարաբաղի։
- ԼՂՀ նախագահի մամուլի խոսնակ Դավիթ Բաբայան. Զոհվածների մարմինների որոնման եւ դուրս բերման աշխատանքները կշարունակվեն եւս 2-3 օր։
- Դավիթ Բաբայան. Հայկական կողմին է վերադարձվել ՊԲ 20-ամյա գլխատված զինծառայող Քյարամ Սլոյանի գլուխը։
- Դավիթ Բաբայան. Բաշ Քարվենդ բնակավայրի մոտակայքում հայկական կողմին է հանձնվել 18 զոհված զինծառայողի մարմին։
- Ավելի քան 20 ֆրանսիացի քաղաքական գործիչներ պահանջում են ճանաչել ԼՂՀ անկախությունը։
- Երեւանում կայացավ երթ՝ ի հիշատակ Ադրբեջանի ագրեսիայի հետեւանքով զոհված զինծառայողների։
11.04.2016
- ԼՂՀ ՊԲ. Այս գիշեր Ադրբեջանի ԶՈՒ-ն հարավային եւ հյուսիսային ուղղություններով հայկական դիրքերի վրա կրակել է ականանետից (2 արկ) եւ նռնականետից (14 արկ):
- ԼՂՀ ռազմագերիների, պատանդների եւ անհետ կորածների հարցերով հանձնաժողով. Ղարաբաղյան կողմն ունի մեկ անհետ կորած զինծառայող։ Նրա ճակատագիրը պարզվում է։
- ՀՀ ՊՆ. Այս գիշեր եւ առավոտյան Ադրբեջանի զինուժը անկանոն կրակ է արձակել Տավուշի ուղղությամբ։
- ՀՀ ՊՆ Գլխավոր շտաբի պետի տեղակալ Մովսես Հակոբյան. Հետախուզական տվյալներ եղել են, սակայն դժվար էր գուշակել, թե երբ եւ որտեղ Ադրբեջանը կդիմի ակտիվ գործողությունների։
- Մովսես Հակոբյան. Ադրբեջանը գործել է հատուկ նշանակության երկու ջոկատների ուժերով եւ փորձել է առաջ շարժվել 4 ուղղությամբ։ Սկզբում նրանք կարողացել են 2 ուղղություններով հաջողության հասնել։ Հետո ՊՆ ստորաբաժանումները մարտի մեջ են մտել եւ կանգնեցրել առաջխաղացումը։
- ԼՂՀ ռազմագերիների, պատանդների եւ անհետ կորածների հարցերով պետական հանձնաժողով. Ադրբեջանական կողմից հանձնված զոհվածների բոլոր մարմինները ենթարկվել են խոշտանգման ու անարգանքի։
- ԼՂՀ ՊԲ. Հայկական կողմը Ադրբեջանին է հանձնել 13 մարմին։ Նաեւ հնարավորություն է տրվել հավաքել հայկական դիրքերի դիմաց ընկած տասնյակ դիակները։
- Լավրով. ՌԴ-ն ղարաբաղյան հակամարտության կողմերին կոչ է անում պահպանել պայմանավորվածությունը։
- ՀՀ պաշտպանության փոխնախարար Դավիթ Տոնոյան. Իսրայելը նույն ապրանքատեսակները, որոնք վաճառել է Ադրբեջանին առաջարկել է նաեւ Հայաստանին։ Մենք հրաժարվել ենք, որովհետեւ դրա անհրաժեշտությունը չի եղել։ Այդ զինատեսակները այնպես էլ հաջող չեն գործում։
- ԵԽԽՎ գարնանային նստաշրջանում կքննարկվի նաեւ ղարաբաղյան հակամարտության սրման հարցը։
- ԼՂՀ օմբուդսմեն Յուրի Հայրապետյան. Ադրբեջանցիների կողմից հայ զինծառայողների նկատմամբ բոլոր վայրագությունները կներկայացվեն միջազգային հանրությանը։
- Եվրամիության արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին ապրիլի 12-ին Եվրախորհրդարանի լիագումար նիստում հայտարարություն կանի Ղարաբաղում տիրող իրավիճակի հարցով։
- Հայաստանի արտգործնախարար Էդվարդ Նալբանդյանը ՄԱԿ-ի գլխավոր քարտուղարի քաղաքական հարցերով տեղակալ Ջեֆրի Ֆելթմանին ներկայացրել է Ադրբեջանի կողմից Արցախի դեմ սանձազերծված ագրեսիայի հետեւանքները:
- ՀՀ ՊՆ-ն հրապարակել է 8 զոհված զինծառայողների լուսանկարները։
- ԼՂՀ ՊԲ. Արձանագրվել է ադրբեջանական զորքերի տեղաշարժ:
Բաքվի ագրեսիան ընդդեմ Լեռնային Ղարաբաղի. ապրիլի 9-ի իրադարձությունների ժամանակագրություն (ֆոտո)
Բաքվի ագրեսիան ընդդեմ Լեռնային Ղարաբաղի. ապրիլի 7-իիրադարձությունների ժամանակագրություն (ֆոտո)
Բաքվի ագրեսիան ընդդեմ Լեռնային Ղարաբաղի. ապրիլի 6-ի իրադարձությունների ժամանակագրություն (ֆոտո)
