Նախընտրելի
Հռոմի Ֆրանցիսկոս պապը քննադատել է ժամանակակից շուկայական տնտեսությունը` մատնանշելով սոցիալական անարդարությունը: Նա իր կարծիքն արտահայտել է La Croix պարբերականին տված հարցազրույցում:
Պապի խոսքով, գլոբալ տնտեսական համակարգին բնորոշ է «փողի կռապաշտությունը»: Մարդկության հարստության ավելի քան 80 տոկոսը գտնվում է բնակչության մոտ 16 տոկոսի ձեռքում: Ամբողջությամբ ազատ շուկան չի գործում, արձանագրել է նա:
Ֆրանցիսկոսը նշել է, որ շուկան ինքնին լավ բան է, բայց պետությունը պիտի վերահսկողություն իրականացնի եւ հետեւի հավասարակշռության պահպանմանը: «Այն, ինչ մենք կոչում ենք սոցիալական շուկայական տնտեսություն», — ճշտել է նա:
Ֆրանցիսկոսը նաեւ քննադատել է արեւմտյան ժողովրդավարության արտահանման պրակտիկան մի շարք իսլամական երկրներ, ինչպիսիք են Իրաքը կամ Լիբիան:
