Նախընտրելի
Սահմանադրության փոփոխված տարբերակը մեզ որպես հասարակություն դարձնում է ավելի ազատ եւ ավելի ուժեղ: Այս մասին ասված է ՀՀ նախագահ Սերժ Սարգսյանի շնորհավորական ուղերձում՝ Սահմանադրության օրվա առթիվ:
Շնորհավորանքում, մասնավորապես, ասվում է.
«Սիրելի՛ հայրենակիցներ,
Շնորհավորում եմ ձեզ Սահմանադրության օրվա կապակցությամբ:
Այս տոնը կարեւոր ու պատմական օր է մեր երկրի ու ժողովրդի կյանքում: Մենք միասին քայլ առ քայլ գնում ենք Սահմանադրության մեջ ամրագրված նպատակները կյանքի կոչելու ճանապարհով:
Սահմանադրական վերջին բարեփոխումները մեկ անգամ եւս հաստատեցին մեր ինքնիշխան, ժողովրդավարական, իրավական ու սոցիալական պետության կայացումը եւ ընդգծեցին դրա վերընթաց ու հետեւողական զարգացման միտումները: Սահմանադրության փոփոխված տարբերակը մեզ որպես հասարակություն դարձնում է ավելի ազատ եւ ավելի ուժեղ: Միաժամանակ այս նոր իրողությունը բոլորիցս պահանջում է պատասխանատու վերաբերմունք երկրում ընթացող սոցիալական, իրավական եւ քաղաքական գործընթացների նկատմամբ:
Կրկին շնորհավորելով այս մեծ տոնի առթիվ՝ մաղթում եմ, որ ապրենք եւ աշխատենք մեր Հիմնական օրենքի տառին եւ ոգուն համապատասխան»:
