Հուլիսի 6-ին, ժամը 21.40-ին, հիվանդանոցից ոստիկանության Մաշտոցի բաժնում հաղորդում է ստացվել, որ «որովայնի շրջանում կտրած-ծակած վերքեր» ախտորոշմամբ բուժօգնության է տեղափոխվել 37-ամյա Արկադի Գ.-ն:

Ոստիկանության մամուլի ծառայությունից NEWS.am-ին հայտնում են, որ ըստ բժշկի տեղեկանքի՝ Արկադի Գ.-ն ի վիճակի չի եղել բացատրություն տալու:

Նշանակվել է ԴԲՓ:

Ոստիկանության Երեւան քաղաքի վարչության եւ Մաշտոցի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ Արկադի Գ.-ին նշված վնասվածքը պատճառել է 38-ամյա Էդուարդ Մ.-ն, որը բացատրական աշխատանքների շնորհիվ, հուլիսի 7-ին, ժամը 10.30-ին, ինքնակամ ներկայացել է բաժին եւ տվել խոստովանական բացատրություն, որ հուլիսի 6-ին, ժամը 21.30-ին, Մարգարյան փողոցի թիվ 29 շենքի մոտ, վիճաբանություն ժամանակ, իր մոտ եղած դանակով հարվածել է Արկադի Գ.-ի որովայնին:

Էդուարդ Մ.-ն ձերբակալված է:

Քննությունը շարունակվում է: