նախընտրելի դարձնել
«Սասնա ծռեր» խմբի անդամ Պավլիկ Մանուկյանի վիրահատությունը «Էրեբունի» բժշկական կենտրոնում ավարտվել է: Այս մասին NEWS.am-ին հայտնեց բժշկական կենտրոնի տնօրեն Միքայել Մանուկյանը:
«Աջ ոտքի ազդրն ենք վիրահատել: Ոսկորները մետաղական հարթակով ֆիքսվել են, վիրահատությունը նորմալ է անցել, վերակենդանացումում է, որոշ ժամանակ»,- ասաց Միքայել Մանուկյանը:
Միքայել Մանուկյանը նշեց, որ Պավլիկ Մանուկյանի ոտքը չի կարճացել:
Հիշեցնենք, որ Պավել Մանուկյանին եւ խմբի մյուս անդամ Հովհաննես Հարությունյանին նախորդ օրը քաղաքացիական հիվանդանոց էին տեղափոխվել վիրահատության նպատակով:
Պավլիկ Մանուկյանն ու իր որդին վիրավորվել էին հուլիսի 27-ին:
