նախընտրելի դարձնելՀայաստանի հանրապետական կուսակցության համապետական ցուցակը կուսակցության ղեկավար Սերժ Սարգսյանը վաղը` փետրվարի 15-ին, կներկայացնի Գործադիր մարմնի նիստին, որից հետո արդեն փետրվարի 16-ին այն կներկայացնեն Կենտրոնական ընտրական հանձնաժողով: Այս մասին NEWS.am-ի հետ զրույցում հայտնեց կուսակցության խոսնակ Էդուարդ Շարմազանովը:
Վերջինս նշեց, որ ՀՀԿ նախընտրական շտաբի ղեկավարի անունը եւս վերջնականապես կհստակեցվի գործադիր մարմնի նիստում: Ցուցակի առաջին հնգյակի մասին եւս ՀՀԿ-ականները դեռ չեն խոսում` վստահեցնելով, որ իրենց այդ մասին կտեղեկացնեն վաղը:
Թեեւ փետրվարի 16-ին ավարտվում է առաջադրումների վերջնաժամկետը, սակայն կուսակցություններում վերջնականապես չեն հստակեցվել ցուցակները:
