Արագածոտնի մարզի Օշական գյուղի բնակիչ Նորայր Խալոյանի ոչխարների եւ գառների հոտից սատկել է 150 գառ ու 70 ոչխար: Այս մասին այսօր՝ մարտի 3-ին, NEWS.am-ի հետ զրույցում ասաց Օշականի գյուղապետ Արամ Ներսիսյանը՝ նշելով, որ դեպքը տեղի է ունեցել վերջերս: «Թե ինչից է սատկել՝ չեմ կարող ասել: Անասնաբույժն ասաց՝ չեն կարողանում այս հարցին պատասխանել, որովհետեւ Նորայրը բոլոր պատվաստումները արել է» ,-ասաց գյուղապետը: Նորայր Խալոյանը հոտը գնել է վարկով, եւ կառավարությանը խնդրում է միջնորդել, որպեսզի բանկերից վերցված վարկը 1,5-2 տարով սառեցվի: