նախընտրելի դարձնելՎենեսուելայի արտգործնախարար Դելսի Ռոդրիգեսը Բրազիլիան միջազգային ամոթ է համարել:
«Այսօր մենք պետք է ասենք դա. Բրազիլիան, ցավոք, միջազգային ամոթ է: Ամեն օր նրա քաղաքական գործիչները հայտնվում են սկանդալների մեջ այն պահից, երբ Դիլմա Ռուսեֆի դեմ պետական հեղաշրջում իրականացվեց»,- Ռոդրիգեսի խոսքերն է փոխանցել Nacional պորտալը: Ելույթը հնչել է երկուշաբթի, Կարակասում անցկացված Ուգո Չավեսի անվան հակաիմպերիալիստական գագաթնաժողովի ժամանակ:
Նախարարի խոսքով՝ Բրազիլիայի բոլոր քաղաքական գործիչները կոռումպացված են, եւ նրանց մերկացումները կշարունակվեն: «Եթե իրենց նախագահը չէ, ապա նախարարներից կամ կոնգրեսկաններից որեւէ մեկն է (ներգրավված կոռուպցիայում), դա պարզապես կոռուպցիոն համերգ է, բայց դա նրանց չի հուզում, քանի որ աջ իմպերիալիստական ուժերը նրանց առջեւ կարմիր գորգ են փռում»,- ասել է Ռոդրիգեսը:
