նախընտրելի դարձնելԵվրամիության անդամ-երկրների, բացառությամբ Լեհաստանի, առաջնորդները ակնկալում են մինչեւ հունիս համաձայնեցնել «մուտքի-ելքի» նոր դիրեկտիվները, որը նախատեսում է լրացուցիչ տվյալների հավաքագրում՝ երրորդ երկրների քաղաքացիների կողմից ԵՄ սահմանը հատելիս: Այս մասին ասվում է Եվրախորհրդի նախագահի եզրակացության մեջ, հաղորդում է ՌԻԱ Նովոստին:
«Եվրամիությունը կոչ է անում օրինագծի համահեղինակներին համաձայնեցնել մուտքի եւ ելքի համակարգի ներդրման առաջարկությունները մինչեւ 2017թ. հունիս եւ արագացնել այցելությունների եւ մուտքի տեղեկատվական համակարգի առաջարկման աշխատանքները»,- ասվում է փաստաթղթում, որը պաշտպանել են անդամ 27 երկրները, Լեհաստանը դեմ է հանդես եկել:
Ավելի վաղ Լեհաստանի վարչապետ Բեատա Շիդլոն հայտարարել էր, որ իր երկիրը չի պաշտպանի գագաթնաժողովի եզրափակիչ փաստաթուղթը, Տուսկի՝ ԵԽ նախագահի պաշտոնում վերընտրվելու հետ կապված, քանի որ Լեհաստանն առաջարկել էր հետաձգել ընտրությունները:
