նախընտրելի դարձնելԺամը 13:00-ի դրությամբ Պաշտպանի աշխատակազմի թեժ գծին ստացվել է շուրջ երկու տասնյակ ահազանգ, որոնք հիմնականում վերաբերում են ընտրատեղամասերում կուտակման, քվեարկության ընթացքի առցանց հեռարձակման խափանման, հաշմանդամություն ունեցող անձի կողմից քվերակությունը կատարելու հարմարությունների բացակայության հետ կապված հարցերին:
ՄԻՊ-ից NEWS.am-ին հայտնում են, որ ոստիկանության, Կենտրոնական ընտրական հանձնաժողովի եւ իրավասու մյուս իրավասու մարմինների հետ տարվող աշխատանքի արդյունքում բողոքները ստացել են լուծում արագացված ընթացակարգով: Բանավոր բոլոր բողոքներով քաղաքացիներին տրամադրվել է նաեւ իրավական խորհրդատվություն:
Քրեակատարողական հիմնարկներում ընթացող քվեարկության ընթացքի առնչությամբ Պաշտպանի աշխատակազմ դեռ տեղեկություններ չեն ստացվել:
Պաշտպանի աշխատակազմը մշտական կապի մեջ է նաեւ ընտրությունները դիտարկելու մանդատ ունեցող միջազգային կազմակերպությունների ներկայացուցիչների հետ:
Ուսումնասիրվում են զանգվածային լրատվամիջոցների, սոցիալական ցանցերում առկա հրապարակումները ընտրական իրավունքների խախտումների վերաբերյալ: Իրականացվում է նաեւ տեղական դիտորդական առաքելությունների հրապարակումների ուսումնասիրություն:
Հատուկ առանձնացվում են առերեւույթ հանցանքի հատկանիշ պարունակող հրապարակումները՝ քրեական հետապնդման մարմիններին ուղարկելու նպատակով:
Աշխատանքային խմբեր են աշխատում նաեւ Շիրակի, Գեղարքունիքի, Լոռիի եւ Սյունիքի մարզերում:
