Facebook-ում «աստվածանարգ մեկնաբանությունների» համար պակիստանցի Թայմուր Ռազան կյանքով կվճարի, հաղորդում է The Verge-ն։

Նա դատապարտվել է կրոնական գործիչների, այդ թվում՝ Մուհամեդ մարգարեի հասցեին բացասական մեկնաբանությունների համար։ Ռազան իսլամի վերաբերյալ երկխոսություն է վարել մեկ այլ տղամարդու հետ, որը, պարզվում է, կառավարության գործակալ էր։

Ռազան վերջին տարում աստվածանարգության համար կալանավորված Պակիստանի 15-րդ քաղաքացին է։

Նշենք, որ աստվածանարգությունը Պակիստանում քրեորեն պատժելի հանցագործություն է։