նախընտրելի դարձնելՆոյեմբերի 1-ից կգործեն այսպես կոչված «խելացի» տեսախցիկները, որոնք արձանագրում են երթեւեկության կանոնների խախտումները:
Jnews.ge-ի փոխանցմամբ, նորարարությունը կսկսի գործել ըստ Վրաստանի «Վարչական իրավախախտումների օրենսգրքի»:
Այսպես կոչված խելացի տեսախցիկների տեղադրումը երկրի մասշտաբով անցկացվում է հուլիսից եւ կտեւի մինչ տարեվերջ: Ընդհանուր առմամբ, Վրաստանում նախատեսվում է տեղադրել մոտ 3000 նման տեսախցիկ: Դեռ տեսախցիկները գործելու են Թբիլիսիում, Բաթումիում (Աջարիա) եւ Քութաիսիում (Իմիրեթիում), ինչպես նաեւ Արեւմտյան Վրաստանը Արեւելյանին կապող մայրուղու վրա:
Այսպես կոչված խելացի տեսախցիկների հիմնական առավելությունը այն է, որ նրանք կարող են բացահայտել իրավախախտումը առանց օպերատորի օժանդակության եւ գրել նրան տուգանք: Սկզբում խելացի տեսախցիկները կառանձնացնեն հինգ տեսակի երթեւեկության կանոնների խախտումներ. անցում լուսակրի կարմիր լույսի ժամանակ, հոծ գծի հատում, երթեւեկություն հակառակ գծով, արագության գերազանցում եւ երթեւեկություն հասարակական տրանսպորտի համար նախատեսված գծի վրա:
ՆԳՆ-ի միացյալ օպերատիվ կենտրոնում վիդեովերլուծական ծրագրերի օգնությամբ վերլուծվում է «խելացի» տեսախցիկների տեղեկությունները: Այն բանից հետո, երբ տեսախցիկը արձանագրում է մեքենան, որը խախտում է երթեւեկության կանոնները, ինքնաբերաբար կազմվում է տուգանքի արձանագրություն եւ SMS հաղորդագրության տեսքով ուղարկվում է սեփականատիրոջ հեռախոսահամարին:
Ըստ տույժերի նոր համակարգի, խախտողի օպերատիվությունը խրախուսվում է: Եթե վարորդը որոշի վճարել տուգանքը 10 օրվա ընթացքում, ապա նրա տույժի գումարը կարժենա սովորականից 20% -ով պակաս: Իսկ եթե նա տուգանքը չվճարի, արձանագրությունը նրան կուղարկվի փոստով, եւ 30 օրվա ընթացքում նա ստիպված կլինի այն վճարել:
Այն դեպքում, երբ վարորդը հրաժարվի ընդունել տուգանքի մասին արձանագրությունը, նրան կրկին 30-60 օրվա ընթացքում կուղարկվի այն տան հասցեին: Եթե երկրորդ անգամ խախտողը չցանկանա տուգանքը վճարել, ապա նրա արձանագրությունը կհրապարակվի ՆԳՆ-ի police.ge կայքում, եւ կհամարվի, որ վարորդը դա ընդունեց:
