նախընտրելի դարձնելԱԺ արտահերթ նիստը չի կարող ընթանալ այս ռեժիմով: Այս մասին հայտարարեց «Ծառուկյան» խմբակցության պատգամավոր, ԱԺ եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը՝ մեկնաբանելով դեկտեմբերի 19-ի նիստի ընթացքը:
Նրա խոսքով՝ անընդունելի է, որ խորհրդարանը այսպիսի կարեւոր հարցերի շուրջ ստիպված է որոշումներ կայացնել այսպիսի կարճ ժամանակահատվածում, երբ խորհրդարանականները օրենսդրական փոփոխությունների փաթեթներին նույնիսկ պատշաճ կերպով ծանոթանալու ժամանակ չեն ունեցել. «Ես հասկանում եմ, որ 21-րդ դարն արհեստական ինտեկելտի դար է, բայց դա դեռ ՀՀ չի հասել, ովքեր հանդիսանում են կոճակ սեղմող, միգուցե շատ են, բայց «Ելք»-ն ու «Ծառուկյան» դաշինքը այդ «սրբազան» պարտքը կատարելու ջատագով չեն»:
Զոհրաբյանը նաեւ շեշտեց, որ խորհրդարանը կառավարության ստրուկը չէ: Գրեթե համանման կարծիք հայտնեց «Ելք» դաշինքի պատգամավոր Էդմոն Մարուքյանը:
Նշենք, որ խորհրդարանի արտահերթ նիստում քննարկվում է «Քրեական դատավարության օրենսգրքում փոփոխություններ եւ լրացումներ կատարելու մասին» օրինագծերի փաթեթը: Այս օրենսդրական փոփոխություններին ծանոթանալու համար պատգամավորները ընդամենը երեք օր են ունեցել, ինչը դուր չի եկել «ժողովրդի ծառաներին»:
