նախընտրելի դարձնելԱմերիկացի հանրապետական սենատորներ Ռոն Ջոնսոնը եւ Ջոն Բարսկոն հրաժարվել են ՌԴ մեկնել այն բանից հետո, երբ ռուսական հյուպատոսությունը վիզա չի տվել նրանց գործընկերոջը՝ Նյու Գեմփշիր նահանգից դեմոկրատ Ջոան Շաինին, գրում է Politico-ն:
Ըստ հրապարակման՝ սենատորները մտադիր էին ՌԴ մեկնել հունվարին «հաջորդ սերնդի ռուսաստանյան առաջնորդների հետ հանդիպմանը, որպեսզի հասկանան ռուս-ամերիկյան հարաբերությունների հեռանկարները»:
Ընդ որում պատվիրակությունը տեղյակ է եղել, որ Շաինին թույլ չեն տա մտնել երկիր:
«Վիզայի մերժումը անհաջող եւ անարդյունավետ որոշում է միջազգային հարաբերությունների բարելավման համար», — ասել է Ջոնսոնը:
Ավելի ուշ ռուսական հյուպատոսարանում պարզաբանել են, որ Շաինը ընդգրկված է սեւ ցուցակում, որը ԱՄՆ պատժամիջոցներին ի պատասպան ստեղծվել է Մոսկվայի կողմից:
«Մենք չենք ստեղծել այս իրավիճակը: Մենք բազմիցս Վաշինգթոնին առաջարկել ենք չեղարկել պատժամիջոցները, որոնք միջազգային քաղաքականության համար վնասակար գործիք են: Ինչ ցանել ենք, այն էլ հնձում ենք», — նշել են դիվանագիտական առաքելությունից:
Շաինը ակտիվորեն աջակցում է հակառուսական պատժամիջոցներին, ինչպես նաեւ ակտիվ քարոզ էր տանում ամերիկյան պետական կառույցներում «Կասպերկսկու» ծրագրային ապահովման օգտագործման արգելքի համար:
