նախընտրելի դարձնելԱնցյած շաբաթ Մադագասկար կղզային պետության տարածքում մոլեգնած «Ավա» արեւադարձային ցիկլոնի հետեւանքով զոհվել է մոտ 30 մարդ, հայտնում է «ՌԻԱ Նովոստի»-ն՝ վկայակոչելով AFP-ին:
Գործակալության տվյալներով՝ միայն երկուշաբթի զոհվել է 17 մարդ:
«Ազգային մակարդակով, ըստ նախնական տվյալների, զոհվել է 29 մարդ, 22-ը անհետ կորել են, 17 170-ը ստիպված են եղել լքել տները եւ եւս 83 023-ը վիրավորվել են», - ասված է Աղետների ռիսկերի կառավարման ազգային բյուրոյի հայտարարության մեջ:
Նշվել է, որ ցիկլոնը հարվածել է կղզու տարածքին ուրբաթ առավոտյան, շաբաթ գիշերը հանդարտվել է, սակայն ցեխակույտերի եւ ջրհեղեղների առաջացման պատճառ է դարձել, շատ տներ մնացել են առանց էլեկտրականության:
