նախընտրելի դարձնելՀայաստանի ԱԻՆ-ում, այսօր՝ հունվարի 9-ին, ժամը 02:15-ին ահազանգ է ստացվել, որ Աբովյան-Ջրաբեր ավտոճանապարհի սկզբնամասում տեղի է ունեցել ավտովթար, կան տուժածներ, ավտոմեքենայում կա արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Պարզվել է, որ «BMW» մակնիշի 34 OC 160 համարանիշի ավտոմեքենանան (վարորդ՝ Ա. Գ.ն) Հ-1 ավտոճանապարհի սկզբնամասում դեռեւս չբացահայտված հանգամանքներում դուրս է եկել երթեւեկելի գոտուց եւ բախվել երկաթբետոնե սյանը, ինչի հետեւանքով ուղեւոր՝ Ռ. Ա.-ն արգելափակվել է ավտոմեքենայում:
Փրկարարները՝ 1980 թ. ծնված Ռ. Ա.-ին դուրս են բերել ավտոմեքենայից եւ մոտեցրել շտապօգնության ավտոմեքենային, ով տարբեր մարմնական վնասվածքներով հոսպիտալացվել է Աբովյան քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
