նախընտրելի դարձնել
Բրիտանական քննական հանձնաժողովը Շեքսպիրի «Ռոմեո եւ Ջուլիետ» ողբերգության հերոսներին շփոթելու համար տուգանվել է 175 հազար ֆունտով, հաղորդում է BBC-ն:
2017-ի մայիսին գրականությունից GCSE քննություն հանձնող բրիտանացի ավագ դպրոցականներին ի թիվս այլ հարցերի, տրվել է նաեւ հետեւյալը. «Ինչպես է Շեքսպիրի մեկնաբանության մեջ Կապուլետի ընտանիքի հանդեպ Տիբալտի ատելությունն ազդում պիեսի ավարտի վրա»:
Տիբալտը Ջուլիետայի զարմիկն է: Նա այդ ընտանիքի անդամ է եւ ոչ մի ատելություն չի տածել ընտանիքի հանդեպ:
Հարցի հեղինակները շփոթել են այս երկու ընտանիքներին, որոնց թշնամությունը համաշխարհային գրականության ամենահայտնի սյուժեներից է:
Գործի քննության արդյունքում հայտարարվել է, որ այս ձեւով հարցն իմաստազուրկ է, իսկ քննական տոմսը չի համապատասխանում անհրաժեշտ պահանջներին:
