նախընտրելի դարձնել
Եվրամիությունը կարգելի 158 բելառուս պաշտոնյաների, այդ թվում երկրի նախագահ
Լուկաշենկոյի եւ նրա ավագ որդիների՝ Վիկտորի եւ Դմիտրիի մուտքն իր տարածք:
Ինչպես «ԻՏԱՌ-ՏԱՍՍ»-ին պարզաբանել է ԵՄ բարձրաստիճան մի պաշտոնյա, Բելառուսի դեմ պատժամիջոցների կիրառման մասին պաշտոնական որոշում կընդունվի այսօր՝ հունվարի 31-ին Բրյուսելում սկսված ԵՄ անդամ 27 երկրների ԱԳ նախարարների պլանային հանդիպմանը
Պատժամիջոցը նախատեսում է նաեւ «սեւ ցուցակում» հայտնված բելառուս պաշտոնյաների բանկային ակտիվների սառեցում, եթե այդպիսիք հայտնաբերվել եվրոպական բանկերում:
«Մեր գլխավոր ազդակը նախագահ Լուկաշենկոյին՝ անհապաղ ազատ արձակել բոլոր քաղբանտարկյալներին, որոնք ձերբակալվել են դեկտեմբերի 19-ին այդ երկրում կայացած նախագահական ընտրություններին հաջորդող բողոքի ակցիաների ժամանակ»,- ասել է դիվանագետը, հավելելով, որ շատ եվրոպական երկրներ հանդես են գալիս Բելառուսի հետ երկխոսությունը շարունակելու հնարավորություն թողնելու օգտին:
Ավելի վաղ NEWS.am-ը հայտնել էր, որ դեկտեմբերի 19-ին Բելառուսում անցկացվել են նախագահական ընտրություններ, որտեղ, պաշտոնական տվյալներով, ընտրվել է գործող նախագահ Ալեքսանդր Լուկաշենկոն:
Նույն օրը ընդդիմադիրները 30 հազարանոց հանրահավաք էին կազմակերպել , որին ներկա էին եղել ընդդիամդիր կուսակցությունների ներկայացուցիչների մեծ մասը:
Ընդդիմության հանրահավաքները դաժանորեն ճնշվել էին: Ձերբակալվել էր մի քանի հարյուր մարդ:
