նախընտրելի դարձնել
ԱՄՆ նախագահ Դոնալդ Թրամփը հայտարարել է, որ ինքը տեղյակ չի եղել ռուս փաստաբան Նատալյա Վեսելնիցկայայի եւ Ռուսաստանի այլ քաղաքացիների հետ հանդիպելու իր որդու՝ Դոնալդ Թրամփ կրտսերի մտադրության մասին, հաղորդում է «ՌԻԱ Նովոստին»` վկայակոչելով Twitter-ում ԱՄՆ նախագահի գրառմանը:
Թրամփը նաեւ հավելել է, որ նախորդ գիշերը վերադարձել է Վաշինգթոն, որտեղ նրան ծիծաղաշարժ լուրեր էին սապսվում այն մասին, որ հատուկ դատախազ Ռոբերտ Մյուլերը եւ 13 չար դեմոկրատներից նրա թիմը չեն կարողանում դավադրության ապացույցներ գտնել:
«Վհուկների խարդախ որսը շարունակվում է: Ինչքան հիմար եւ անարդար է մեր երկրի համար», — նշել է նա:
Ավելի վաղ լրատվամիջոցները վկայակոչելով աղբյուրներին հաղորդում էին, որ Թրամփի նախկին փաստաբան Մայքլ Կոհենը պատրաստ է Մյուլերին ցուցմունք տալ այն մասին, որ ԱՄՆ նախագահը իմացել է ռուս փաստաբան Նատալյա Վեսելնիցկայայի եւ Ռուսաստանի այլ քաղաքացիների հետ հանդիպելու իր որդու մտադրության մասին:
Հանդիպումը, որի մասին նշվում է, տեղի է ունեցել 2016-ի հունիսին: Բացի Թրամփ կրտսերից դրան մասնակցել են Թրամփի նախընտրական շտաբի ղեկավար Փոլ Մանաֆորտը եւ նախագահի փեսա Ջերադ Քուշները:
