Նախընտրելի
Եվրասիական տնտեսական միությունում առաջնահերթությունների իրականացման ճանապարհին Հայաստանի համար հնարավոր խոչընդոտների վերացման տարբերակների որոնման նպատակով Տարածաշրջանային եւ Եվրասիական ինտեգրման հարցերի մշտական խորհրդարանական հանձնաժողովում աշխատանքային խումբ է ստեղծվել: Մարտի 12-ին Ազգային ժողովում աշխատանքային խմբի առաջին նիստում այս մասին հայտարարեց Տարածաշրջանային եւ եվրասիական ինտեգրման հարցերի մշտական հանձնաժողովի նախագահ, «Բարգավաճ Հայաստան» կուսակցությունից պատգամավոր Միքայել Մելքումյանը:
Նրա խոսքով՝ միասնական եվրասիական շուկան դեռ իրականություն չի դարձել: Կան ստորագրված համաձայնագրեր, սակայն կան նաեւ չլուծված հարցեր, ինչն ընդունում են նաեւ ԵՏՄ կառույցներում:
«Կան խնդիրներ, որոնք մենք պետք է լուծենք: ԵՏՄ անդամ բոլոր երկրներում պետք է ընդհանուր սոցիալական միջավայր լինի», -ասել է Մելքումյանը՝ չնշելով նման հավակնոտ նպատակին հասնելու ուղիները:
