Իսրայելում Բրազիլիայի դեսպանատան տեղափոխումը Երուսաղեմ «հարձակում»  կլինի պաղեստինցնիների վրա եւ միջազգային իրավունքի խախտում, ասել է Լատինաամերիկյան երկրում Պաղեստինի դեսպան Իբրահիմ Ալզեբեն, հաղորդում է AFP-ն:

Ալզեբենի հայտարարությունը հնչել էր Բրազիլիայի նախագահ Ժաիրա Բոլսոնարոյի Իսրայել պաշոտնական այցից մի քանի օր առաջ:

«Ցանկացած պետության դեսպանատան տեղափոխումն Իսրայել միջազգային իրավունքի խախտում է եւ հարձակում պաղեստինցի ժողովրդի վրա», - ասել է Ալզեբենը:

Հունվարին իշխանության գալուց հետո Բոլսոնարոն հաստատել էր ԱՄՆ նախագահ Դոնալդ Թրամփի օրինակին հետեւելու եւ դեսպանատունը Երուսաղեմ տեղափոխելու խոստումը:

Անցյալ շաբաթ արտգործնախարար Էռնեստո Արաուժոն լրագրողներին ասել էր, որ կառավարությունը «դեռեւս քննարկում է» այդ հարցը:

Դեսպանատան տեղափոխման հարցը շատ զգայուն է: Իսրայելը ամբողջ Երուսաղեմն իր մայրաքաղաքն է համարում, իսկ պաղեստինցիները Արեւելյան Երուսաղեմը համարում են իրենց ապագա պետության մայրաքաղաքը:

Փաստացի բոլոր երկրները համաձայն են, որ Երուսաղեմի կարգավիճակը կարող է որոշվել միայն իսրայելա-աղեստինյան խաղաղ բանակցությունների միջոցով:

Սակայն ԱՄՆ-ն եւ Գվատեմալան որոշել են իրենց  դեսպանատները Երուսաղեմ տեղափոխել:

Պաղեստինցիները կապերը խզել են Թրամփի վարչակազմի հետ այն բանից հետո, երբ 2017 թ. դեկտեմբերին նա հայտարարել էր, որ  Երուսաղեմը ճանաչում է որպես Իսրայելի մայրաքաղաք եւ դեսպանատունը տեղափոխում է այնտեղ:

Բոլսոնարոն մարտի 31-ից ապրիլի 3-ը կայցելի Իսրայել: Ալզեբենը նշել է, որ Բրազիլիայի ղեկավարին հրավիրել են այցելել Պաղեստին, սակայն նա չի պատասխանել: