Աշտարակ քաղաքից գանգուղեղային տրամվայով «Սուրբ Աստվածամայր» ԲԿ տեղափոխված 12–ամյա տղայի վիճակը շարունակում է մնալ ծայրահեղ ծանր. նրան միացվել է արհեստական շնչառության սարք։

Այս մասին NEWS–ին հայտնեց ԲԿ–ի մամլո խոսնակ Գեւորգ Դերձյանը։

Նա նշեց, որ երեխայի մոտ գիտակցությունը բացակայում է,  նրա մոտ գնահատվում է խորը կոմա։

«Ըստ բժիշկների՝ նման հիվանդների մոտ առաջիկա մեկ շաբաթը կրիտիկական է, առաջանում է  այտուց, արյան շրջանառության խանգարում։ Ներկա պահին խիրուրգիական միջամտություն չի նախատեսվում, ընթացիկ բուժումը կընթանա դեղորայքային միջոցներով»,–ասաց նա։

Նշենք, որ երեխան շարունակում է մնալ հիվանդանոցի վերակենդանացման բաժանմունքում։

Ավելի վաղ Հայստանի Առողջապահության նախարար Արսեն Թորոսյանն իր ֆեյսբուքյան էջում հայտնել է, որ Աշտարակ քաղաքում դժբախտ պատահար է տեղի ունեցել։ Նախնական տվյալներով ֆուտբոլային խաղի ժամանակ, 12-ամյա տղան դուրս է եկել դաշտից գնդակը հետ բերելու համար մոտակա տարածքից։ Նրան անմիջապես տեղափոխել էին Երեւան։