նախընտրելի դարձնել
Airbus եվրոպական ավիատիեզերական կոնցեռնը 2019 թվականին խոշոր վնասներ է կրել: Բազմամիլիարդ տուգանքները կազմել են 1,36 մլրդ եվրո, հայտնել է ընկերության ղեկավարությունը, փոխանցում է DW-ը:
Բացի խոշոր տուգանքից՝ բացասական բալանսը կապված է Սաուդյան Արաբիայում սպառազինությունների արտահանման արգելքի հետ, ինչի հետեւանքով կոնցեռնը չկարողացավ սաուդցիներին A400M ինքնաթիռներ վաճառել եւ կորցրեց 1,2 մլրդ եվրո:
Airbus օպերացիոն շահույթն աճել է 19 տոկոսով՝ մինչեւ 6,9 մլրդ եվրո, իսկ առեւտրաշրջանառությունը՝ 11 տոկոսով՝ մինչեւ 70,5 մլրդ եվրո: 2020 թվականին կոնցեռնը ակնկալում է օպերացիոն շահույթի հետագա աճ՝ մինչեւ 7,5 մլրդ եվրո:
2019 թվականին կոնցեռնի վնասներն առաջացել են ընկերությունում կոռուպցիոն սկանդալի ֆոնին: 2020 թվականի հունվարի վերջին Airbus SE-ն Ֆրանսիայի, Մեծ Բրիտանիայի եւ ԱՄՆ-ի իշխանությունների հետ գրեթե 3,6 մլրդ եվրոյի չափով ռեկորդային տուգանքի մասին համաշխարհային համաձայնագիր է կնքել: Այդ գումար մեծ մասը՝ 2,1 մլրդ եվրո, ստացել է Ֆրանսիան, եւս 984 մլն եվրո՝ Մեծ Բրիտանիան եւ 535 մլն եվրո՝ ԱՄՆ-ը: Համաձայնությունների շրջանակում դատական հետաքննության հետաձգման մասին համաձայնագիր է կնքվել:
Լոնդոնի տվյալներով՝ Airbus-ը հաճախորդներին կաշառելու եւ իր քաղաքացիական ու ռազմական ինքնաթիռները վաճառելու համար ներգրավվել է արտաքին խորհրդատուների: Խոսքը, մասնավորապես, Շրի Լանկայում, Մալայզիայում, Ինդոնեզիայում, Հանայում եւ Թայվանում կասկածելի կորպորացիաների մասին է:
