նախընտրելի դարձնել
ՀՀ էկոնոմիկայի նախարար Տիգրան Խաչատրյանը հանդիպել է «Մուդիզ» միջազգային վարկանիշային կազմակերպության փորձագետներ Քրիստիան Ֆանգին եւ Ջենե Ֆանգին:
Նախարարը շնորհակալություն է հայտնել այցի համար եւ մանրամասներ ներկայացնել «Մուդիզի» փորձագետներին հետաքրքրող մի շարք հարցերի շուրջ:
Նախարարի տեղակալ Ավագ Ավանեսյանն անդրադարձել է տնտեսության եւ, մասնավորապես, արդյունաբերության մրցունակության եւ արտադրողականության բարձրացմանն ուղղված քայլերին՝ ներկայացնելով ձեռնարկությունների՝ նորարարական տեխնոլոգիաներ կլանելու անհրաժեշտությունը:
Հանդիպման ընթացքում քննարկվել է արտահանման կառուցվածքը եւ առաջիկա կանխատեսումները: Անդրադարձ է եղել նաեւ հանրային ներդրումների կառավարման ինստիտուցիոնալ շրջանակին, կապիտալ ծախսերի օրակարգին եւ այդ ուղղությամբ իրականացվող աշխատանքներին:
Նախարարի տեղակալ Նաիրա Մարգարյանն, իր հերթին, անդրադարձել է փոքր ու միջին բիզնեսի համար ֆինանսական աջակցության գործիքներին, կապիտալի շուկայի ոլորտում իրականացվող նոր ծրագրերին:
Որակյալ աշխատուժի զարգացմանն ուղղված պետական քաղականության շրջանակներում քննարկվել են «Աշխատի՛ր, Հայաստան» ծրագրի սկզբունքներն ու նպատակները:
