Նախընտրելի
Ադրբեջանի եւ Թուրքիայի միջեւ վերջնական պայմանավորվածություն է ձեռք բերվել գազի արտահանման եւ տարանցման վերաբերյալ: Այդ մաիսն այսօր` ապրիլի 30-ին, հայտարարել է Թուրքիայի էներգիայի եւ բնական պաշարների նախարար Թաներ Յըլդըզը` ադրբեջանցի իր գործընկեր Նաթիկ Ալիեւի հետ հանդիպման արդյունքներով հրավիրված ասուլիսում:
Յըլդզը նշել է, որ գազի առքուվաճառքի եւ տարանցման, ինչպես նաեւ «Շահդենիզ 2»-ից ադրբեջանական երկնագույն վառելիքի արտահանման վերաբերյալ Ադրբեջանի եւ Թուրքիայի միջեւ մի քանի համաձայնագրեր կստորագրվեն:
«Համաձայնագրերը կկնքվեն մոտ ապագայում: Դրանք այնպիսի գլոբալ նախագծերի իրականացման ճանապարհ են բացում, ինչպիսիք են Nabucco-ն եւ TAPi-ն»,- հայտարարել է թուրքական պաշտոնյան:
