Նախընտրելի
Արարատի մարզի Ավշար գյուղում մայիսի 1-ին «Նիվա» մակնիշի 886 ՏՍ 25 համարանիշի ավտոմեքենան բախվել է Մ. Խորենացի փողոցի թիվ 95 տան մոտ կայանած «ԳԱԶ-53» մակնիշի 63 ՕԼ 626 համարանիշի ջրատար ավտոմեքենային:
Հայաստանի ԱԻՆ փրկարար ծառայությունից NEWS.am-ին հայտնում են, որ վթարից հետո գազի արտահոսք է տեղի ունեցել եւ դեպքի վայր է մեկնել մեկ մարտական հաշվարկ:
Վթարի հետեւանքով «Նիվա» ավտոմեքենայի վարորդ, 34-ամյա Կարեն Բարսեղյանը եւ ուղեւոր 24-ամյա Գարիկ Թեւոսյանը ստացել են տարբեր աստիճանի մարմնական վնասվածքներ: Մինչ փրկարարների կանչի վայր հասնելը` շտապօգնության աշխատակիցները տուժածներին դուրս են բերել ավտոմեքենայից եւ տեղափոխել Արարատ քաղաքի հիվանդանոց: Ավտոմեքենայի գազի արտահոսքը դադարեցվել է տեղի ուժերով:
Կ. Բարսեղյանի եւ Գ. Թեւոսյանի առողջական վիճակը գնահատվել է բավարար:
