նախընտրելի դարձնել
Անցած օրվա ընթացքում Չինաստանում հայտնաբերել է կորոնավիրուսով վարակման 40 նոր դեպք, գրանցվել է նաեւ վեց ասիմպտոմատիկ դեմք, վերականգնվել է 7 հիվանդ, նշվում է Չինաստանի առողջության պետական կոմիտեի հաղորդագրության մեջ, փոխանցում է «ՌԻԱ Նովոստի»-ն:
Նշվում է, որ 40 նոր դեպքից 32-ը տեղական են (Պեկինում՝ 27, Հեբեյ նահանգում՝ 4, Սիչուանում՝ 1 դեպք), իսկ 8 դեպք ներմուծված է:
Նախօրեին Չինաստանում հայտնաբերվել է կորոնավիրուսով վարակման 49 եւ ասիմպտոմատիկ 18 դեպք: Դեպքերի մեծ մասը գրանցվել է Պեկինում եւ կապված են մեծածախ շուկայի հետ:«Սինֆադի» խոշորագույն մեծածախ շուկան շաբաթ օրը ժամանակավորապես փակվել է այն բանից հետո, երբ համաճարակաբանական հետաքննությամբ պարզվել էր, որ ներմուծված սաղմոնի կտրատման տախտակի վրա կորոնավիրուս կար: Ֆենթայ թաղամասում ռազմական ժամի ռեժիմ էր հայտարարվել, հանրային առողջության ոլորտում արտակարգ իրավիճակների արձագանքման մակարդակը կրկին բարձրացվել էր մինչեւ II:
Չինաստանի մայրցամաքում համաճարակի ժամանակ հայտնաբերվել է կորոնավիրուսով վարակման ընդհանուր 83.221 դեպք, առողջացել է 78.377 մարդ, COVID-19- ով 210 հիվանդ շարունակում է մնալ հիվանդանոցներում, 4.634 մարդ մահացել է: Ներմուծված դեպքերը 1845-ն են, 1752 մարդ առողջացել է:
