նախընտրելի դարձնել
ԱՄԷ-ն էլեկտրոնային լրտեսական ցանց է ստեղծել Կատարին լրտեսելու համար, գրում է New York Times-ը:
Ըստ աղբյուրի՝ հաքերային ցանցի նպատակն է գտնել ահաբեկչության եւ «Մուսուլման եղբայրներ» խմբավորման ֆինանսավորման մեջ Կատարի մեղադրանքների ապացույցները: Ըստ թերթի տվյալների՝ Աբու Դաբիի կառավարությունը լրտեսական ցանցի անդամներին առաջարկել է բարձր աշխատավարձեր՝ հաճախ նախորդ աշխատավարձերը երկու կամ նույնիսկ 4 անգամ գերազանցող:
«Մեզ մոլորեցրել են Վաշինգտոնի դաշնակցայի կառավարությունում աշխատանքի քողի ներքո ֆինանսական առաջարկով»,-NYT-ին ասել է ցանցի նախկին անդամը:
ԱՄԷ-ում դեռ չեն մեկնաբանել հրապարակումը:
Հունվարի 5-ին Սաուդյան Արաբիան, ԱՄԷ-ն, Բահրեյնը եւ Եգիպտոսը հաշտեցման համաձայնագիր են կնքել Կատարի հետ, որի հետ հարաբերությունները խզել էին 2017 թվականին՝ Դոհային մեղադրելով ահաբեկչությանը սատարելու մեջ:
