նախընտրելի դարձնել
Զուգարանի օգտագործումը կարող է վճարել ձեր սուրճի կամ բանանի գնման համար՝ շնորհիվ Հարավային Կորեայի համալսարանի մշակման, որը մարդկային թափոններն օգտագործում է շենքի էլեկտրամատակարարման համար, գրում է New York Post-ը:
Ուլսանի գիտության եւ տեխնիկայի ազգային ինստիտուտի (UNIST) քաղաքային եւ բնապահպանական ինժեներիայի պրոֆեսոր Չո Չժե Վոնը ստեղծել է էկոլոգիապես մաքուր զուգարան, որը կապված է լաբորատորիայի հետ, որը արտաթորանքներն օգտագործում է բիոգազ արտադրելու համար:
BeeVi զուգարանը օգտագործում է վակուումային պոմպ՝ կղանքը ստորգետնյա բաք ուղարկելու համար: Այնտեղ միկրոօրգանիզմները թափոնները վերածում են մեթանի, որը գազի վառարանը եւ ջրի ջեռուցման կաթսան սնող էներգիայի աղբյուր է դառնում:
Միջին մարդը օրական արտազատում է մոտ 500 գրամ կղանք, որը կարող է վերածվել 50 լիտր մեթանի, ասել է բնապահպան-ինժեները: Այս գազը կարող է առաջացնել 0,5 կՎտ էլեկտրաէներգիա կամ օգտագործվել մոտավորապես 1,2 կմ մեքենա վարելու համար:
Չոն նաեւ հորինել է վիրտուալ արժույթ, որը կոչվում է Ggool: Էկոլոգիապես մաքուր զուգարան օգտագործող յուրաքանչյուր մարդ օրական վաստակում է 10 Ggool:
Ուսանողները կարող են արժույթն օգտագործել կամպուսում ապրանքներ գնելու համար` սկսած թարմ սուրճից մինչեւ արագ եփվող լապշա, մրգեր եւ գրքեր:
Ուսանողները կարող են խանութից վերցնել իրենց ուզած իրերը եւ սքանավորել QR կոդը՝ Ggool-ով վճարելու համար:
«Նախկինում ես կարծում էի, որ կղանքը կեղտ է, բայց հիմա դա գանձ է ինձ համար»,- Ggool շուկայի մասին ասել է ասպիրանտ Հո Հուեյցզինը: «Ես անգամ ուտելիս խոսում եմ կղանքի մասին, դրանց շնորհիվ կարող եմ գնել ցանկացած գիրք, որն ուզեմ»:
