նախընտրելի դարձնել
Նիգերիայի իշխանությունները հայտարարել են, որ իրենց հաջողվել է հասնել գյուղի 100 առեւանգվածների ազատագրմանը, տեղեկացնում է DW-ն։
Մանավայի բնակիչները հյուսիսարեւմտյան Զամֆարա նահանգում 42 օր պատանդ էին զինված ավազակախմբերի ձեռքում։
«Զամֆարայի պետական ոստիկանությունը՝ անվտանգության եւ ներքին գործերի նախարարության հետ համագործակցությամբ, հաջողությամբ իրականացրել է առեւանգված զոհերի անվերապահ ազատագրումը»,- լրագրողներին ասել է Զամֆարայի ոստիկանության պաշտոնական ներկայացուցիչ Մուհամադ Շեհուն։
Ավազակները սովորաբար պահանջում են փրկագին գերիներին ազատ արձակելու համար, բայց այս անգամ նրանք ազատ արձակվեցին «առանց որեւէ ֆինանսական կամ նյութական շահի»,- ավելացրել է Շեհուն։
Ոստիկանության ներկայացուցիչն ասել է, որ գյուղի բնակիչները «բուժզննում կանցնեն եւ կհարցաքննվեն» իրենց ընտանիքներ վերադառնալուց առաջ։
