«Ժառանգություն» կուսակցությունը պահանջում է ճանաչել Լեռնային Ղարաբաղի անկախությունը: Ինչպես հայտարարել է կուսակցության պատգամավոր Զարուհի Փոստանջյանը Ազգային ժողովի ամբիոնից, Հայաստանի խորհրդարանը պարտավոր է ընդունել «Ժառանգության» օրինագիծը Լեռնային Ղարաբաղի ճանաչման մասին, գործադիր իշխանությունը պարտավոր է ԼՂՀ շուրջ անվտանգության գոտու վերաբնակեցման համապատասխան ծրագիր մշակել, իսկ պաշտոնական Երեւանը՝ նախաձեռնել Ղարաբաղի ժողովրդի ինքնորոշման իարվունքի միջազգային ճանաչման գործընթացը: «Ժողովրդավարական բոլոր նորմերով կայացած Ղարաբաղյան պետության միջազգային ճանաչումը ժամանակի պահանջն է եւ այլընտրանք չունի»,- հավաստիացրել է Փոստանջյանը: