Պղնձի արժեքը երկուշաբթի, ԱՄՆ աշխատաշուկայի տվյալների հիման վրա, նվազում է մեկ օր առաջվա աճից հետո, վկայում են աճուրդների տվյալները։

Պղնձի սեպտեմբերյան ֆյուչերսների գինը Comex բորսայում նվազել է 0,41 տոկոսով՝ մեկ ֆունտը (մոտ 0,45 կիլոգրամ) 4,3205 դոլար։

Ուրբաթ օրվա արդյունքներով՝ Լոնդոնի մետաղների բորսայում (LME) մեկ տոննա պղնձի արժեքը՝ երեք ամիս հետո մատակարարմամբ, ավելացել է 0,58 տոկոսով՝ 9431 դոլար, ալյումինիումինը՝ 1,19 տոկոսով՝ 2727 դոլար, ցինկինը՝ 0,59 տոկոսով՝ մեկ տոննան 2996,5 դոլար։

Պղնձի շուկայում երկուշաբթի նկատվում է գնի ճշգրտող նվազում մեկ աճուրդային օրվանից հետո։ Նման դինամիկային նպաստել են ԱՄՆ աշխատաշուկայի տվյալները։ Այսպես, գործազրկությունն օգոստոսին երկրում նվազել է՝ հասնելով 5,2 տոկոսի՝ հուլիսի 5,4 տոկոսի փոխարեն։

Բացի այդ,  հումքի գների վրա ճնշում է ունենում դոլարի փոխարժեքի ամրապնդումը համաշխարհային այլ արժույթների նկատմամբ, ինչը դրանք պակաս մատչելի է դարձնում։