նախընտրելի դարձնել
ԱՄՆ Միջազգային հանրապետական ինստիտուտը հարցում է անցկացրել Հայաստանում։ 2022 թվականի հունվարի 31-ին հրապարակված արդյունքների համաձայն՝ օմբուդսմենի գործունեությունը դրական է գնահատվել հարցված քաղաքացիների 68 տոկոսի կողմից։
Այս մասին ապրիլի 19-ին Ազգային ժողովում Մարդու իրավունքների եւ հանրային հարցերի մշտական խորհրդարանական հանձնաժողովի արտահերթ նիստին 2012 թվականին Մարդու իրավունքների պաշտպանի գրասենյակի գործունեության մասին հաշվետվության ներկայացման ժամանակ հայտարարեց ՀՀ օմբուդսմեն Քրիստինե Գրիգորյանը։
Նրա խոսքով՝ եթե 2020 թվականին ՄԻՊ գրասենյակը 14780 բողոք էր ստացել, ապա 2021 թվականին՝ 21181: «Ընդ որում, եթե 2020 թվականին դրական ելք է ստացել 2203 գործ, ապա արդեն 2021 թվականին՝ 2754»,- ասաց Գրիգորյանը։
Նշենք, որ այս տարվա փետրվարի 23-ին պաշտոնը ստանձնած Գրիգորյանը զեկուցում է իր նախորդի՝ Արման Թաթոյանի կատարած աշխատանքի մասին, ում արժանիքն էլ հանդիսանում է ՄԻՊ գրասենյակի հեղինակության կտրուկ բարձրացումը հասարակության մեջ:
