նախընտրելի դարձնել
Կոլումբիայի աստղաֆիզիկական լաբորատորիայի գիտնականները՝ օգտագործելով սուպերհամակարգիչներ, պարզել են, որ տիեզերագնացների եւ ինքնաթիռների համար վտանգավոր բարձր էներգիայի մասնիկները ծնվում են Արեգակի մթնոլորտում, գրում է The Astrophysical Journal Letters-ը։
Աստղագետներն օգտագործել են Կոլումբիայի, ՆԱՍԱ-ի եւ ԱՄՆ-ի Էներգետիկայի հետազոտական հաշվողական ազգային կենտրոնի սուպերհամակարգիչները՝ տիեզերքում իոնների եւ էլեկտրոնների վարքը մոդելավորելու համար: Պարզվել է, որ Արեգակի արտաքին մթնոլորտի մագնիսական դաշտերն ընդունակ են արագացնել մասնիկները լույսի արագությանը մոտ արագությամբ։ Միաժամանակ նրանք ընկնում են Երկիր, որտեղ կարող են անջատել արբանյակների էլեկտրոնային սարքերը եւ վտանգել տիեզերագնացների կյանքը։
Գիտնականները ավելի քան 70 տարի փորձում էին գտնել բարձր էներգիայի մասնիկների աղբյուրը եւ վաղուց կասկածում էին, որ դրանք առաջանում են արեւային պլազմայի կողմից, որը կազմում է աստղերի, այդ թվում՝ Արեգակի մթնոլորտը: Պլազմայում մասնիկները շարժվում են պատահական եւ անկանխատեսելի, ուստի դեռեւս հնարավոր չէ ամբողջությամբ ցույց տալ, թե ինչպես է դա տեղի ունենում:
Տիեզերքում դիտարկվող նյութի ճնշող մեծամասնությունը գտնվում է պլազմայի վիճակում, ուստի գիտնականների արդյունքները թույլ կտան մեզ ավելի լավ հասկանալ հեռավոր աստղերում եւ սեւ խոռոչների շուրջ բարձր էներգիայի մասնիկների ձեւավորումը:
