Լոնդոնի Ազգային պատկերասրահը հայտնել է, որ էկոակտիվիստուհիներ Ֆիբի Փլամերը եւ Աննա Հոլանդը աննշան վնասել են Վինսենթ վան Գոգի «Արեւածաղիկներ» նկարի շրջանակը՝ նավթի արդյունահանման դեմ իրենց բողոքի շրջանակներում, գրում է Insider-ը։

Թանգարանի աշխատակիցներն ընդգծել են, որ կտավն ինքը չի վնասվել, քանի որ գտնվում է հատուկ պաշտպանիչ ապակու հետեւում։

Երկու աղջիկները ամանով ապուրը լցրել են նկարի վրա եւ իրենց սոսնձել են արվեստի պատկերասրահի պատերին: 21-ամյա Ֆիբի Փլամերը հաստատությունում գտնվողներին հարցրել է, թե որն ավելի շատ արժե՝ արվե՞ստը, թե՞ կյանքը: Նրանք ձերբակալվել են ծանրացուցիչ հանգամանքներում վնաս պատճառելու եւ անօրինական նեխուժելու համար։