նախընտրելի դարձնել
Սիրիայի ալ Ռաստան քաղաքում հայտնաբերվել է հին հռոմեական հսկայական խճանկար՝ դիցաբանական տեսարաններով: Արտեֆակտը լավ պահպանված է. այն Սիրիայում վերջին 11 տարվա ընթացքում՝ երկրում պատերազմի սկզբից ի վեր հայտնաբերված ամենանշանակալի գտածոն է, գրում է CBS News-ը։
Խճանկարը գտնվել է 4-րդ դարի շենքի ավերակների վրա, որը գնել են լիբանանցի գործարարները եւ տվել սիրիական կառավարությանը։ Հնագետները դեռ հստակ չեն կարող ասել, թե դա ինչ շինություն է եղել. գուցե հանրային բաղնիքներ:
Խճանկարի մակերեսը 120 քմ է։ Հավանաբար այն տարածվում է նաեւ դեռեւս չմաքրված հատվածներում: Պատկերները շարված են քառակուսի գունավոր քարերով՝ յուրաքանչյուրը 1,2 սանտիմետր:
Նկարը շատ մանրամասն է պատկերված. խճանկարի վրա կարելի է տեսնել տեսարաններ հին հունական եւ հին հռոմեական դիցաբանությունից: Կան Տրոյական պատերազմի տեսարաններ, Հերկուլեսի, Ամազոնուհիների, Նեպուտնայի եւ նրա 40 սիրուհիների պատկերներ։
«Մենք կանգնած ենք մի հայտնագործության առաջ, որը հազվադեպ է համաշխարհային մասշտաբով», - ասել է Սիրիայի հնությունների եւ թանգարանների գլխավոր վարչության խոսնակ Հումամ Սաադը:
Ըստ նրա՝ Ալ Ռաստանը պատմական նշանակություն ունեցող քաղաք է, սակայն մինչ պատերազմը չի պեղվել։
Կատարյալ պահպանված խճանկարի հայտնաբերումից հետո լիբանանցիները ծրագրում են Սիրիայի համար գնել այլ շինություններ՝ հուշարձաններով եւ արտեֆակտներով:
