նախընտրելի դարձնել
Հայաստանում նախատեսվում է կարգավորել հեռուստահեռարձակման կարգը ՝ այն դարձնելով նույնատիպ։ Այս մասին այսօր ՝ նոյեմբերի 8-ին, ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստում «Տեսալսողական մեդիայի մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ հայտարարեց օրենսդրական նախաձեռնության հեղինակ, ԱԺ վերոնշյալ հանձնաժողովի նախագահ, Քաղաքացիական պայմանագիր խմբակցության պատգամավոր Սիսակ Գաբրիելյանը։
Նա նշեց, որ Հայաստանի տարածքում գործող ավելի քան 50 ցանցային օպերատորներ ինքնուրույն են որոշում իրենց կողմից տրամադրվող տեսալսողական ծրագրերի տարածման կարգը:
«Նման մոտեցումն ընկալվում է որպես հեռուստաօպերատորների ազատ գործունեություն։ Այնուամենայնիվ, դա սպառողների մոտ որոշակի անհարմարություններ եւ դժգոհություններ է առաջացնում, քանի որ հեռարձակման ծրագրերը հեռուստադիտողներին հասանելի են տարբեր հաջորդականությամբ: Օրենսդրական նախաձեռնության համար հիմք են հանդիսացել Հեռուստատեսության եւ ռադիոյի հանձնաժողովի կողմից իրականացված մշտադիտարկման արդյունքները, ինչպես նաեւ ստացված դիմումները»,-ասաց Գաբրիելյանը։
Այս օրենսդրական փոփոխությունները, Ինչպես նշեց Գաբրիելյանը, նույնպես բխում են հեռուստաընկերությունների շահերից, հատկապես՝ մարքեթինգի եւ PR-ի տեսանկյունից։
Կարճ քննարկումից հետո օրենսդրական նախաձեռնությունը դրական եզրակացություն ստացավ ԱԺ մշտական հանձնաժողովի կողմից։
