նախընտրելի դարձնելԹուրքիայի Թունջելի (Դերսիմ) քաղաքում քուրդ զինյալները 2 տարբեր վայրերում համաժամանակյա հարձակում են գործել հատուկ նշանակության ոստիկաների դեմ:
Թուրքական Milliyet-ի փոխանցմամբ` քուրդ զինյալների մի խումբ տարբեր կողմերից կրակահերթ է բացել ֆուտբոլ խաղացող հատուկ նշանակության ոստիկանների ուղղությամբ: Հարձակման հետեւանքով սպանվել է 2 ոստիկան, վիրավորվել` 8-ը:
Միեւնույն ժամանակ քուրդ զինյալները հարձակում են գործել Թունջելիի Էսենթեփե թաղամսը հսկող հատուկ նշանակության ոստիկանական կետի դեմ: Այստեղ ոստիկանների եւ քուրդ զինյալների միջեւ բախում է սկսվել:
Թունջելիի ժանդարմերիայի հրամանատարությունից օդ բարձրացած «Կոբրա» ուղղաթիռները կրակ են բացել Մունզուրի դաշտ փախչող քուրդ զինյալների դեմ:
Նշենք, որ այս հարձակումից ժամեր առաջ Թունջելիի լեռներում PKK-ի զինյալները ծուղակի մեջ են գցել 2 թուրք զինվորականի եւ սպանել: Իսկ Հաքքարիում քուրդ զինյալների հարձակման հետեւանքով սպանվել են գյուղի 2 պահապաններ:
