նախընտրելի դարձնել
Հոկտեմբերին բնակարանների գները Երեւանում բարձրացել են միջինը 12,9 տոկոսով՝ անցած տարվա հոկտեմբերի համեմատ, իսկ 2022թ. սեպտեմբերի համեմատ բարձրացել են 0,9 տոկոսով։ Այս մասին լրագրողների հետ հանդիպման ժամանակ, դեկտեմբերի 16-ին ասել է Կադաստրի կոմիտեի փոխնախագահ Արման Պետրոսյանը։
Նա տեղեկացրել է, որ հոկտեմբերին մարզերում, անցած տարվա հոկտեմբերի համեմատ, աճը կազմել է 19,1 տոկոս։
«2022թ. անցած տասն ամիսներին անշարժ գույքի առքուվաճառքի 166 486 գործարք է եղել, ինչն անցած տարվա նույն ժամանակամիջոցի համեմատ 3,6 տոկոսով ավելի է։ Աճ է գրանցվել ինչպես Երեւանում, այնպես էլ մարզերում։
Օտարման գործարքների բաժինը կազմել է 38,3, ժառանգությամբ կատարված գործարքներինը՝ 19,3, գրավով՝ 13 տոկոս։
2022թ. հունվար-հոկտեմբերին երկրում իրականացվել է օտարման 64 հազար գործարք, եւ անցած տարվա նույն ժամանակամիջոցի համեմատ ցուցանիշն ավելացել է 5,1 տոկոսով։
Ժառանգության գծով գործարքների թիվը կազմել է 21 հազար, աճը՝ 7,2 տոկոս։
Երեւանում իրականացվել է ավելի քան 53 հազար գործարք։ Մարզերի շրջանում ամենաակտիվը եղել է Կոտայքը՝ 29 հազար։ Պասիվ մարզեր են դարձել Վայոց ձորը՝ ընդամենը 2 տոկոս, եւ Սյունիքը՝ 3,9 տոկոս։ Սակայն երկու մարզերում գրանցվել է գործարքների թվի աճ անցած տարվա նույն ժամանակամիջոցի համեմատ»,- նշել է պաշտոնյան։
