նախընտրելի դարձնել
Բուքինգհեմյան պալատը մտադիր է Կամիլային պաշտոնապես թագուհի անվանել, ոչ թե կոնսորտ թագուհի, գրում է Daily Mail-ը։
Ըստ բարձրաստիճան աղբյուրների՝ այս փոփոխությունները, հավանաբար, կլինեն մայիսին Չարլզ թագավորի թագադրումից հետո:
Երբ 2005-ին Կամիլան ամուսնացավ Ուելսի այն ժամանակվա արքայազնի հետ, տարածված կարծիք կար, որ նա երբեք չի կոչվի թագուհի, երբ ամուսինը գահ բարձրանա:
Դա պայմանավորված էր Չարլզի հետ երկարատեւ հարաբերություններով, երբ նա ամուսնացած էր արքայադուստր Դիանայի հետ:
Սակայն Կամիլան շահել է հանրության համակրանքը, իսկ հանգուցյալ թագուհու միջամտությունն անցյալ փետրվարին, երբ նա կոչ արեց իր հարսին կոնսորտ թագուհի անվանել, համարվում է որպես աջակցության վճռական դրսեւորում:
Այժմ Բուքինգհեմյան պալատը մտադիր է ավելի հեռուն գնալ, ըստ ինսայդերների:
Ենթադրվում է, որ թագավորական հանդիպումների պաշտոնական գրանցամատյանը նույնպես կարող է շուտով արտացոլել այս փոփոխությունը։
«Պալատում կարծիք կա, որ «կոնսորտ թագուհին» բարձրագոչ է, եւ միգուցե Կամիլային ավելի լավ կլինի պարզապես թագուհի անվանել, երբ ժամանակը գա»,- ասել է աղբյուրը։
