Հինգշաբթի զինյալները Իրանի հետ սահմանի մոտ հարձակվել են Պակիստանի անվտանգության կետի վրա՝ հրահրելով փոխհրաձգություն, որի հետեւանքով զոհվել է երկու զինվոր, հաղորդում է Associated Press-ը՝ վկայակոչելով Պակիստանի ԶՈՒ-ին:

Առայժմ ոչ ոք չի ստանձնել Բելուջիստան նահանգի Սինգվան թաղամասում տեղի ունեցած հարձակման պատասխանատվությունը:

Պակիստանի զինված ուժերը հայտնել են, որ սպանված երկու զինվորները «նահատակվել են ահաբեկիչների դեմ խիզախորեն կռվելով»։

Զինվորականները որոնողական աշխատանքներ են սկսել, եւ Իրանի իշխանություններին զգուշացրել են հարձակվողներին հետեւելու մասին, որոնք փորձել են փախչել, ասվում է հայտարարության մեջ:

Պակիստանի մայրաքաղաքում Իրանի դեսպանատունը դատապարտել է հարձակումը եւ իր ցավակցությունները հայտնել երկու զինվորների ընտանիքներին։ Twitter-ում նա երկու հարեւան երկրների միջեւ համագործակցության կոչ է արել ահաբեկչության դեմ պայքարում։