նախընտրելի դարձնելՈւսուցչի օրվա կապակցությամբ, նախագահ Բակո Սահակյանը, հոկտեմբերի 3-ին, ստորագրել է հրամանագրեր ԼՂՀ պետական պարգեւներով պարգեւատրելու եւ պատվավոր կոչում շնորհելու մասին:
ԼՂՀ նախագահի մամուլի գրասենյակից NEWS.am-ին հայտնում են, որ մատաղ սերնդի ուսուցման եւ դաստիարակության բնագավառում ունեցած նշանակալի ավանդի համար պարգեւատրվել են.
«Վաչագան Բարեպաշտ» մեդալով`
Ռոմելա Գրիգորյանը` Ասկերանի Էդմոն Բարսեղյանի անվան միջնակարգ դպրոցի տնօրեն,
Վլադիկ Շիրինյանը` Մարտունու թիվ 1 միջնակարգ դպրոցի մասնագիտական կրթության աջակցության գծով տնօրենի տեղակալ
«Երախտագիտություն» մեդալով`
Անուշիկ Ավետիսյանը` Շուշիի Խաչատուր Աբովյանի անվան հիմնական դպրոցի մաթեմատիկայի ուսուցչուհի,
Սեյրան Բաղրյանը` ԼՂՀ Մարտակերտի շրջանի Հաթերք գյուղի Բարմեն Գիգորյանի անվան միջնակարգ դպրոցի զինղեկ,
Արտո Սարգսյանը` ԼՂՀ Շահումյանի շրջանի Եղեգնուտ գյուղի միջնակարգ դպրոցի փոխտնօրեն,
Նաիրա Սարգսյանը` ԼՂՀ Քաշաթաղի շրջանի Միրիկ գյուղի միջնակարգ դպրոցի տնօրեն:
Մատաղ սերնդի ուսուցման եւ դաստիարակության գործում ձեռք բերած ակնառու հաջողությունների համար Արցախի Հանրապետության վաստակավոր մանկավարժի պատվավոր կոչում է շնորհվել.
Լյուբա Մայիլյանին` Հադրութի Միքայել Մանվելյանի անվան միջնակարգ դպրոցի հայոց լեզվի եւ գրականության ուսուցչուհի
Կառլեն Մարգարյանին` Ստեփանակերտի քաղաքապետարանի աշխատակազմի կրթության բաժնի վարիչ:
