նախընտրելի դարձնել
Ֆիլիպինների առափնյա պահպանությունը Չինաստանին մեղադրել է իր նավերի վրա ջրցաններով կրակելու և Հարավչինական ծովում դրանք արգելափակելու մեջ, հայտնում է BBC-ն։
Հայտարարության մեջ նշվում է, որ միջադեպը տեղի է ունեցել այն ժամանակ, երբ նավը ուղեկցում էր վիճելի Սպրատլի կղզիներից մեկում տեղակայված ֆիլիպինցի զինվորների մատակարարման նավը։
ԱՄՆ-ը դատապարտել է Պեկինի «վտանգավոր գործողությունները»՝ կատարվածի համար մեղադրելով նաև չինական «ծովային ոստիկանությանը»։
Պեկինը հավակնում է գրեթե ողջ Հարավչինական ծովին, ներառյալ Սպրատլի կղզիները, որոնց մասամբ հավակնում են նաև Ֆիլիպինները:
Մրցակցային հավակնություններ կան նաև Մալայզիայից, Վիետնամից, Բրունեյից և Թայվանից:
Հարավչինական ծովը ներկայումս աշխարհի ամենաթեժ կետերից մեկն է, հատկապես, վերջին տարիներին ԱՄՆ-ի և Չինաստանի միջև լարվածության մեծացման պայմաններում։
Ջրային ուղիներով նաև տարեկան 5 տրիլիոն դոլար արժողությամբ համաշխարհային առևտուր է իրականացվում, ինչը մտահոգություն է առաջացնում, որ Պեկինի աճող ներկայությունը կարող է սահմանափակել առևտուրը:
