Բրիտանական ՌՕՈՒ-ի «Թայֆուն» կործանիչներ են այսօր երեկոյան ուղարկվել Լեհաստան՝  ՆԱՏՕ-ի արևելյան թևը Ռուսաստանից պաշտպանելու համար, հայտնում է The Mirror-ը։

Մեծ Բրիտանիայի պաշտպանության նախարար Գրանտ Շապսը թույլատրել է 1500 մղոն/ժ արագությամբ չորս «Թայֆուն» կործանիչների տեղակայումը։

«Ի պատասխան մեր լեհ ընկերների խնդրանքի՝ Թագավորական օդուժի «Թայֆուն»-ները վայրէջք են կատարում Լեհաստանում, քանի ես ելույթ եմ ունենում՝ աջակցելով Ռուսաստանի միջամտության աճող սպառնալիքի առաջ կանգնած ՆԱՏՕ-ի մեր դաշնակցին: «Լեհաստանի ընտրություններից առաջ դրանց տեղակայումը  կլինի շատ հզոր միջոց՝ անվիճարկելի կերպով  (Վլադիմիր) Պուտինին ցուցադրելու, որ այս պահպանողական կառավարությունը  պաշտպանելու է ժողովրդավարությունն ու ազատությունը մեր դաշնակիցներին սպառնացող ցանկացած  բռնակալից», - հայտարարել է Շապսը Մանչեսթերում ընթացող Պահպանողական կուսակցության համաժողովում։ 

Այս տարվա սկզբին Լեհաստանը դարձավ ՆԱՏՕ-ի առաջին երկիրը, որը Ուկրաինային կործանիչներ  տրամադրեց։ Նախագահ Անջեյ Դեյթը մարտին հայտարարեց, որ պատերազմից ավերված երկիր կուղարկվեն խորհրդային դարաշրջանի ՄիԳ ռազմական ինքնաթիռներ:

Միաժամանակ առաջարկվել է, որ Մեծ Բրիտանիան կարող է «փոխհատուցել» ՄիԳ-երի կորուստը՝ բրիտանական «Թայֆուն»-ներ ուղարկելով Լեհաստան։