նախընտրելի դարձնել
Պաղեստինի նախագահ Մահմուդ Աբասը իր մեկնաբանություններում, որոնք հայտնվել են այն բանից հետո, երբ ՀԱՄԱՍ-ը հայտարարել է Իսրայելի դեմ նոր ռազմական գործողություն սկսելու մասին, հայտարարել է, որ «պաղեստինցի ժողովուրդը վերաբնակների ահաբեկչությունից եւ օկուպացիոն զորքերից իրեն պաշտպանելու իրավունք ունի», տեղեկացրել է Reuters-ը։
Ինչպես տեղեկացրել է WAFA պաղեստինյան գործակալությունը, այսօր Աբասը նախագահում էր ղեկավարության արտահերթ խորհրդակցությունում, որին մասնակցել են մի շարք քաղաքացիական անձինք եւ անվտանգության ծառայությունների աշխատակիցներ։
«Նախագահը ցուցում է տվել ապահովել պաղեստինցի ժողովրդի պաշտպանությունը՝ ընդգծելով իրեն ահաբեկչությունից եւ օկուպացիոն զորքերից պաշտպանելու պաղեստինցի ժողովրդի իրավունքը։
Նա նաեւ ցուցում է տվել անսասան մնալ այն հանցագործությունների դեմ, որոնք կատարվում են իսրայելական օկուպացիայի եւ վերաբնակների ավազակախմբերի կողմից»,- նշել է պաղեստինյան ԶԼՄ-ն։
Հիշեցնենք, որ այսօր վաղ առավոտվանից պաղեստինյան ՀԱՄԱՍ խմբավորումը հրթիռակոծել է Իսրայելի տարածքը։ Իսրայելական կողմը տեղեկացնում է զոհերի եւ վիրավորների մասին։ Դաժան մարտեր են ընթանում ՀԱՄԱՍ-ի անդամների հետ Իսրայելի հարավային եւ կենտրոնական մասերում։
