Հոկտեմբերի 10-ին, ժամը 01.20-ին, ՆԳՆ ոստիկանության ՊԾ Երևանի գնդի 1-ին գումարտակի 2-րդ վաշտի ծառայողները, կաշառք տալու կասկածանքով, Աթենքի փողոցում ձերբակալել և ոստիկանության Մալաթիայի բաժին են ներկայացրել «Մերսեդեսի» 49-ամյա վարորդին:

Ոստիկանությունից NEWS.am-ին հայտնում են, որ պարզվել է, որ նա սթափության ստուգումը չանցնելու և ավտոմեքենան վարելու ընթացքում ծխելու համար վարչական արձանագրություն չկազմելու դիմաց ՊԾ ծառայողին առաջարկել էր երկու 20 000-դրամանոց և մեկ այլ թղթադրամ:

«Մերսեդեսը» տեղափոխվել է բաժնի հատուկ պահպանվող տարածք:

49-ամյա տղամարդը ձերբակալվել է։

Կատարվում է նախաքննություն: