Նախընտրելի
2024թ. Սեւան բաց կթողնվի իշխանի ավելի քան 300 հազար մանրաձուկ։ Այս մասին լրագրողների հետ հանդիպման ժամանակ հունվարի 15-ին ասել է շրջակա միջավայրի նախարար Հակոբ Սիմիդյանը։
2023թ. լիճ էր բաց թողնվել 231 հազար մանրաձուկ։
Նախարարի խոսքով՝ 2023թ. սիգի արդյունաբերական որսի ծավալը սահմանվել էր 600 տոննայի չափով։ «2023թ. ստուգումների շրջանակում լճից հանվել է խեցգետնի որսի 919 ցանց»,- ավելացրել է Սիմիդյանը։
Նախարարը նշել է, որ իրականացվելու է լճի ջրի մոնիթորինգ, բյուջեից այդ նպատակով հատկացվել է 60 մլն դրամ։
2024թ. նախատեսվում է 1 000 հեկտար տարածքում կատարել անտառատնկման աշխատանքներ։ 2023թ. այդ տարածքը 314 հեկտար էր։
Նախարարի խոսքով՝ միջազգային համագործակցության շրջանակում իրականացվում է 21 ծրագիր (84 մլն դոլար արժողությամբ)։ Սիմիդյանը նշել է ինը նոր ծրագրերի մասին, որոնք թույլ կտան ներգրավել եւս 32 մլն դոլար կենսաբազմազանության պահպանման նպատակով։
